Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Máis Iniciativas/Campañas
  Retribucións
  Xubilacións
  Formación STEG
  Permutas
  Bolsas de Traballo
  Eleccións sindicais
  Avisos
  Informes educativos/webs
  Educación no Rural
  Educación Exterior
  Reseñas DOG
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  STEG OPINA   
CURSO 2018-2019
O STEG valora positivamente a sentenza xudicial sobre o acontecido no IES García Barros da Estrada (interceptación ilegal de datos informáticos e descubrimento e revelación de segredos)
Hai case dous anos, a finais do curso 2016-2017, a prensa fíxose eco do caso acontecido no IES García Barros da Estrada, onde alumnado deste centro fora quen de acceder ás contas de correo corporativo dunha parte do profesorado. O STEG daquela tivera coñecemento do xeito en que o alumnado cometera esta vulneración da privacidade e, para a nosa sorpresa, resultou que non era preciso ter grandes coñecementos de informática por parte do alumnado, e que podería estar sucedendo en todos os centros educativos en que o alumnado tivese acceso a un equipo informático de uso compartido co profesorado. Pero a nosa sorpresa foi aínda maior cando, tras pasar semanas dende que a Consellería coñeceu os feitos, non realizou comunicación ningunha ao resto dos centros educativos onde podería estar sucedendo exactamente o mesmo.

Por aquel entón, o STEG apoiara o profesorado do centro, facéndose eco do comunicado do seu claustro –onde se denunciaba que se violara a súa privacidade, ao tempo que se esixía que os servizos xurídicos da Consellería se volcasen na protección dos dereitos das traballadoras e traballadores do ensino-. Igualmente, lamentouse daquela o tratamento sensacionalista e pouco rigoroso dalgún sector da prensa, que só daba informacións de parte, así como a non comparecencia dos responsábeis políticos.

Na mesma liña, o STEG contribuíu como mellor puido, poñéndose en contacto con persoal experto en informática e transmitíndolle aos centros educativos as medidas de seguridade precisas para comprobar e, no seu caso, eliminar a posibilidade de que esta mesma situación se dese noutros centros educativos.

Posteriormente, os nosos servizos xurídicos asesoraron legalmente as nosas afiliadas así como un importante número de profesorado afectado pola situación (case medio centear). Case dous anos despois, o proceso xudicial chegou á súa fin, coa condena do alumnado responsábel dos delitos de interceptación ilegal de datos informáticos e descubrimento e revelación de segredos. O STEG, respectando as decisións xudiciais, sempre foi máis partidario, en todo caso, de facer pedagoxía que de sancións. Ao tempo que considera que o importante é que quedou clara a absoluta dilixencia do profesorado do centro, o que contribuirá sen dúbida a recuperar a normalidade no funcionamento do centro e garantirá o restablecemento do clima de confianza, diálogo, respecto e tolerancia de todos os axentes da comunidade educativa que se viu afectada.


-documento en pdf



                                                                                Comisión Permanente do Secretariado Nacional do STEG
                                                                                                                                                  20 de marzo de 2019
 

prodesin.com E-mail de Contacto | Aviso Legal