Concurso de Traslados
  Mesa Sectorial
  Xuntas de Persoal
  Profesorado Interino
  Oposicións
  Destinos Provisionais
  STEG Opina
  Lingua galega
  Escola laica
  FP
  Universidade
  Recursos/Publicacións
  Convocatorias anuais
  Reseñas DOG
  Retribucións
  Xubilacións
  Formación STEG
  Permutas
  Bolsas de Traballo
  Educación Exterior
  Avisos
  Informes educativos/webs
  Educación no Rural
  Eleccións sindicais
 Lexislación
Publicacións
Necesita el Flash Player y activar Javascript.
Colaboracións STEG
Necesita el Flash Player y activar Javascript.
  STEG OPINA   
CURSO 2016-2017
Outro golpe mortal ao rural
Aínda que pareza mentira, a Consellería conserva a capacidade de sorprendernos. Porque resulta incrible a nova que coñecemos onte, sobre o peche do CPI MONTE CAXADO das Pontes, o CEIP EMILIO NAVASQÜÉS, en Serra de Outes e o CPI da Ribeira, no Porriño.

Sorprende, pola forma vil, rastrera e traidora coa que a administración notificou, sen previo aviso, e o penúltimo día lectivo do curso, que non continuarían as actividades no curso que vén.

A Consellería obra do mesmo xeito de nocturnidade ( o día anterior ao remate das clases) e con alevosía (de costas á comunidade escolar) co CPI TOMÁS DE LEMOS en Ribadavia, pechando neste centro as unidades de ESO.

Esta administración, onde presumen de "bos xestores" é máis ben un niño de malos podadores, que coa excusa de sanear a árbore, cortan pólas de máis e ao final rematan matando o carballo. Porque hai que ter moi presente que cando un centro educativo pecha, NON volve a abrir, e resulta nunha ferida mortal a poboacións que non teñen outro remedio que mudarse ante a perda de servizos esenciais.

Así demostra a Consellería, de novo, o desprezo co que trata o ensino público, considerando o alumnado como simples números que cumplen coa ratio (que, tal e coma o STEG denunciou recentemente, se incumpre en numerosos casos). Ignoran conscientemente que canto máis alumnado hai nun grupo, menor é a calidade do ensino, menor é a atención individualizada que se lles pode prestar ao alumnado, e menos tempo se pode adicar a preparar clases, xa que aumentan as tarefas administrativas que ten que realizar.

Esquecen intencionalmente que o alumnado ten que facer moitos máis quilómetros e convirten os centros que quedan, en macrocentros. Todas estas xogadas, eliminan tamén, as sinerxias que se crean nas comunidades rurais cando existe un centro educativo, que como se sabe, son sempre un impulso positivo e esencial na contorna.

O profesorado tamén sofre as consecuencias: por unha banda sofre a perda de prazas totais e por outra, vai haber un aumento das "supresións" e traslados do profesorado, cousa que se tería evitado de ter negociado previamente. Hai casos de profesorado que foron trasladados a estes centros na resolución do CXT de maio.

Temos que lembrar que estas accións non se acometen na concertada, xa que o trato de favor para con esta, abrindo novas aulas, concedendo máis axudas e otorgando máis unidades, como xa vimos nestes últimos tempos, denota unha actitude moi significativa da dirección e ideoloxía que ten a Consellería. Priman a concertada, esquilman a pública.

Para o STEG, estes novos recortes, perpetrados a traizón, son unha forma visible do desmantelamento do ensino público que está a practicar a Consellería con criterios simplemente economicistas, sen importarlle eliminar milleiros de postos de traballo mentres supoña aforrar uns poucos euros, quedando clara a súa intención de ferir aínda máis o rural.
O peche dun centro educativo sempre supón unha perda irreversible de servizos públicos, que fomentan a despoboación e o desmembramento do tecido empresarial rural. Se esta é a "lexislatura do rural" para a Xunta, imaxinamos que se refiren á lexislatura do seu desmantelamento.

No STEG rexeitamos rotundamente o peche de centros educativos e denunciamos a forma na que se levou a cabo: sen aviso, sen negociación e sen tempo de reaccionar, da forma máis traidora e rastrera posible, tratando a comunidade educativa pouco menos que coma a un inimigo ao que derrotar por todos os medios. Se tal é a consideración que lle merecemos á Consellería aquí estaremos, como inimigo e en pé, dando batalla en todas as loitas na defensa do ensino público.

-documento en pdf
                                      
                                                          COMISIÓN PERMANENTE DO SECRETARIADO NACIONAL DO STEG
23 DE XUÑO DE 2017
 

prodesin.com E-mail de Contacto | Aviso Legal