O STEG denuncia que a Consellaría se nega a cubrir as vacantes do profesorado candidato nas vindeiras eleccións estatais
Animamos a todos os centros a que lle exixan á Administración, ao igual que o está a facer o STEG, que cubra estas vacantes
No DOG do 2 de novembro, publícase a normativa que dá dereito ao profesorado galego que sexa candidata ou candidato nalgunha das candidaturas que concorren nestas eleccións, a solicitar permisos para participar na campaña entre o 4 e o 18 de novembro.
Ante o incumprimento por parte da Administración -durante as pasadas eleccións municipais- da súa obriga de garantir a substitución do profesorado que ten dereito a este permiso, a nosa organización se puxo en contacto coa Administración para esixirlle que cumpra coa lei nestas eleccións. Porén, a resposta que nos deron é que teñen intención de facer o mesmo que fixeron nas pasadas eleccións municipais, i.e, con carácter xeral non enviar profesorado substituto, agás en casos excepcionais como nas escolas unitarias.
Para o STEG estamos ante outro recorte inxustificado de profesorado e da atención ao alumnado galego, polo que esiximos que sexan cubertas as solicitudes que se demanden dende os centros educativos.
Animamos a todos os centros que se vexan afectados a esixir a Administración o profesorado preciso e a poñerse en contacto connosco para facer a máxima presión ao respecto.
 DOG coa normativa para solicitar permisos por formar parte dunha candidatura | 
